«Қош келдіңіз- Қош көрдік» кездесу
2025 жылдың 12 ақпан күні 5-7 сынып қыз балалары арасында тәлім тәрбиесі мол «Қош келдіңіз- Қош көрдік» атты кездесу Арқалық қаласы аналар кенесінің төрайымы Қалтаева Бақытжамал Аяғанқызы және аналар алқасының мүшесі Кулмухамбетова Хамаруан Сейтмухамедовнамен өткізілді.
Мақсаты: қыз балаларды тәрбиелеу, олардың қоғамдағы рөлі мен маңызды қасиеттерін дамыту болып табылады.
Кездесу барысында Бақытжамал Аяғанқызы қыз балалар үшін, қыз бала тәрбиесіне байланысты мағыналы әнгімелесу жүргізді.
“Қыз бала тәрбиесі — қоғамның келешегі үшін маңызды мәселе. Қызды тәрбиелеу-ұлттың болашағын тәрбиелеу деген сөз. Қыз балалардың жан-жақты дамуын қамтамасыз ету, олардың өзін-өзі сыйлауы мен еркіндігін қалыптастыру, жақсы тәрбие алу жолдары бойынша құнды ойлар айтылды. Қыз бала тәрбиесі – жан-жақты қамқорлықты, мәдениеттілікті және ізеттілікті қажет ететін маңызды процесс.
Хамаруан Сейтмухамедовна қыз баланың тәрбиесінде ескерілуі тиіс негізгі бағыттар бойынша өз ойымен бөлісіп , әдеп пен инабаттылық, үлкенге құрмет, кішіге ізет көрсету, сыпайылық, ізеттілік және әдеб сақтау бағыттару туралы мағлұмат берді. Сонымен қатар қыз балаға қатысты тыйым сөздерді
пайдалана отырып сұрақ-жауап жүргізілді.
Аталған кездесудің тәрбиелік мағынасы зор.Қыз бала тәрбиесі – қоғамның болашағы. Қыздың тәрбиелі болуы – елдің тәрбиелі болуы. Сондықтан әрбір отбасы қыз тәрбиесіне аса мән беріп, олардың бойына қазақ халқының әдет-ғұрпын, салт-дәстүрін, ізгі қасиеттерін сіңіруі керек. Тәрбиелі қыз – бақытты отбасы мен жарқын болашақтың кепілі.
